![# Nic Asia Bank](https://blogger.googleusercontent.com/img/b/R29vZ2xl/AVvXsEgD5NgWNbJlxOZG3-mH7SEsbEzi5vtQyZaeoONvd4X9M5HE5MQ4NVzER5pCR05uvuYbvqhXmg5N8Z9uf_xCV023AxgHkVUZW8vqOlkyziYDGljvut67v7OQJ2M4H2HvrlzGpG0UZG9Jt877/s16000/NIC-ASIA-BANK.jpg)
- बैंकिङ संसार
काठमाडौं । एनआईसी एशिया बैंक लिमिटेडले प्रस्ताव गरेको नाफा पारित भएको छ । बैंकको २३औं वार्षिक साधारणसभा सम्पन्न भएसँगै प्रस्तावित १ अर्व ९४ करोड रुपैयाँ नाफा पारित भएको हो ।
साधारणसभाबाट गत आर्थिक वर्ष २०७६/७७ को नाफा तथा सञ्चित नाफाबाट १९ प्रतिशत बोनस सेयर र कर प्रयोजनार्थ १ प्रतिशत नगद लाभांश वितरण गर्ने प्रस्ताव स्वीकृत गरेको जनाएको छ । बैंकले बोनस सेयर पारित गरेपश्चात् बैंकको चुक्ता पूँजी ११ अर्व ५६ करोड ४० लाख ५ हजार ३ सय ६६ पुगेको छ ।
मंसिर २१ गते सम्पन्न भएको वार्षिक साधारणसभाले आर्थिक वर्ष २०७६/७७ को सञ्चालक समितिको प्रतिवेदन, लेखापरीक्षकको प्रतिवेदन सहित २०७७ आषाढ मसान्तसम्मको वासलात, नाफा/नोक्सान हिसाब तथा नगद प्रवाह विवरण लगायतका वार्षिक विवरणहरू उपर छलफल गरी स्वीकृत गर्नुका साथै बैंकको प्रबन्धपत्र र नियमावलीमा संशोधन गर्ने प्रस्ताव पारित गरेको बैंकले जनाएको छ ।