काठमाडौँ । कुमारी बैंकका ग्राहकहरुलाई टेस्ला डायग्नोस्टिक क्लिनिकमा छुट हुने भएको छ। बैंकका ग्राहकहरुलाई उक्त क्लिनिकबाट प्रदान गरिने विभिन्न सेवाहरुमा विशेष छुट हुने भएको हो ।
बैंक र बालुवाटार काठमाडौँस्थित टेस्ला डायग्नोस्टिक क्लिनिक प्रालिबीच छुट सम्झौता भएको छ ।
उक्त सम्झौता बमोजिम क्लिनिकबाट प्रदान गरिँदै आएका सेवाहरुमा ग्राहकहरूलाई प्यथोलोजी टेस्टमा १० प्रतिशत, एमआरआइ, एक्स-रे, म्यामोग्राम, अल्ट्रासोनोग्राफी, युएसजी कलर डपलर, बोन मिनिरल डेनसिटि टेस्ट, डेन्टल अर्थोप्यान्टोमोग्राम र कोन बिम कम्प्युट टेमोग्राफी, इको कार्डियोग्राफी, इलेक्ट्रो कार्डियोग्राममा ५ प्रतिशत तथा फार्मेसीमा ५ प्रतिशत देखि १० प्रतिशतसम्मको छुट दिने सम्झौता भएको छ ।
विगत २३ वर्ष देखि निरन्तर बैंकिङ सेवा दिँदै आएको कुमारी बैंकले अनवरतरुपमा वित्तिय साक्षरता प्रवर्द्धन गर्दै आफ्ना देशभर रहेका ३०२ शाखा सञ्जाल, ३१६ एटिएम, ५० एक्सटेन्सन काउन्टर तथा ५४ शाखा रहित बैंकिङ ईकाईहरु मार्फत आफ्ना ग्राहकवर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ ।
