काठमाडौँ । शुक्रबार सार्वजनिक गर्ने भनिएको मौद्रिक नीति रोकिएको छ । शुक्रबार सार्वजनिक गर्ने तयारी भइसकेको चालु आर्थिक वर्षको मौद्रिक नीतिको मस्यौदा प्रधानमन्त्री केपी शर्मा ओलीका प्रमुख आर्थिक सल्लाहकारमा डा. युवराज खतिवडाले ‘एकपल्ट हेर्छु’ भनेपछि मौद्रिक नीति रोकिएको हो ।
राष्ट्र बैंक श्रोतका अनुसार प्रधानमन्त्री केपी शर्मा ओलीको आर्थिक सल्लाहकारमा डा. युवराज खतिवडा आइसकेपछि उनले मौद्रिक नीतिबारे केही परामर्श गर्न खोजेपछि शुक्रबार सार्वजनिक गर्ने भनिएको मौद्रिक नीति रोकिएको छ ।
यस्तै, सम्पूर्ण तयारी पुगेको अवस्थामा शुक्रबार स्थगित भएको चालु आर्थिक वर्षको मौद्रिक नीति आउँदो साता मङ्गलबारसम्ममा सार्वजनिक हुने स्रोतले बताएको छ ।
