काठमाडौँ। नेपाल राष्ट्र बैंकले बैंक तथा वित्तीय संस्थाहरुको वित्तीय लागत घटाएर प्रतिफल ग्राहकमा हस्तान्तरण गर्ने नीति लिने भएको छ। राष्ट्र बैंकले असार २३ गते आगामी आर्थिक वर्ष २०८३-८४ को वार्षिक मौद्रिक नीति सार्वजनिक गर्दै यस्तो नीति लिएको हो।
मौद्रिक नीतिको प्रसारलाई प्रभावकारी बनाउँदै लैजान वित्तीय क्षेत्रमा सुधार र बैंक तथा वित्तीय संस्थाको शाखा व्यवस्थापन तथा डिजिटाइजेसनमार्फत वित्तीय लागत न्यून गराई सोको प्रतिफल ग्राहकमा हस्तान्तरण गरी उपभोक्ताले प्राप्त गर्ने सेवाको गुणस्तर अभिवृद्धि गर्दै लैजाने नीति लिइने राष्ट्र बैंकले जनाएको छ।
