काठमाडौँ। नेपाल राष्ट्र बैंकले काठमाडौं उपत्यका बाहिरका कर्मचारीहरु आउँदा बास बस्नका लागि होटलसँग सम्झौता गर्ने भएको छ ।
राष्ट्र बैंकका कर्मचारीहरु कामको सिलसिलामा काठमाडौं आउँदा बास बस्नको लागि गुणस्तरीय अतिथि गृह आवश्यक परेकाले केन्द्रीय बैंकले सूचना जारी गरेको हो ।
सेवा दिन चाहने होटल, अतिथि गृह वा गेष्टहाउस राष्ट्र बैंकको केन्द्रीय कार्यालय बालुवाटार र थापाथलीस्थित कार्यालय आसपास, महाराजगञ्ज, धुम्बाराही, चाबहिल, गौशाला, एयरपोर्ट सिनामंगलसम्म चक्रपथको ५०० मिटर भित्र हुनुपर्नेछ । यसका लागि केन्द्रीय बैंकले १९ बुँदामा दर्जनौं मापदण्ड तोकेको छ ।
होटल प्रयोग भएको दिन र संख्याको आधारमा मात्र मासिक रुपमा कम्पनीको खातामा भुक्तानी गरिनेछ ।
