![# Bank Of Kathmandu](https://blogger.googleusercontent.com/img/b/R29vZ2xl/AVvXsEg8w95DIk1wiTY50StxtKQrW_xaHCtEkxiza0tdeG3sjUzAQv1fkfsc6BSKkW6Ci9Vl0Jrat_LhdnclKpHIdAYDMv2GCsG7QHmG496VImO8MvWFpGSydsg_Lgkv-NZ0iAKwbPQSJKntf3Dc/s16000/bank-of-kathmandu.jpg)
- बैंकिङ संसार
काठमाडौं । बैंक अफ काठमाण्डूले बजार विकास समितिको व्यवस्थापन रहेको माछापोखरीमा अवस्थित तरकारी बजारमा डिजिटल भुक्तानी क्युआर कोड सेवा सुरु गरेको छ । उक्त सेवाको उद्घाटन चैत्र २७ गते शुक्रबार एक औपचारिक कार्यक्रमकाबीच नेपाल राष्ट्र बैंकका भुक्तानी प्रणाली विभागका कार्यकारी निर्देशक भुवन कडेंलले गरेका हुन् । बैंकले आफ्नो डिजिटल कारोबार क्युआर कोड विस्तारित गर्ने क्रममा उक्त स्थानमा सो सेवाको सुरुवात गरेको हो ।
उक्त औपचारिक शुभारम्भ कार्यक्रममा नेपाल राष्ट्र बैंकका भुक्तानी प्रणाली विभागका कार्यकारी निर्देशक भुवन कडेंलले फलफूल तथा तरकारी खरिद गरी डिजिटल तवरले क्युआर कोड स्क्यान गरी भुक्तानी गरेका हुन् । बैंक अफ काठमाण्डूले ९० वटा शाखा कार्यालयहरु, ७८ वटा एटीएम र १० वटा एक्स्टेन्सन काउन्टरबाट आफ्ना ग्राहकलाई उत्कृष्ट बैंकिङ सुविधा प्रदान गर्दै आईरहेको छ ।