काठमाडौँ । एनआईसी एशिया बैंकले ग्राहकहरुलाई आफ्नो प्यान अद्यावधिक गर्न आह्वान गरेको छ । बैंकले एक सुचना जारी गर्दै आफ्ना ग्राहकहरुलाई छिटो भन्दा छिटो प्यान अद्यावधिक गर्न आह्वान गरेको हो ।
बैंकका अनुसार ग्राहकहरुले अनलाइनमार्फत पनि आफ्नो प्यानको अद्यावधिक गर्न सक्नेछन् ।
बैंकले ग्राहकहरुको खाताबाट गरिएको करकट्टीको विवरण आयकर प्यान प्रणालीमा आबद्ध गर्नुपर्ने हुँदा छिटो भन्दा छिटो अद्यावधिक गर्न आग्रह गरेको हो ।
सूचनामा भनिएको छ, ‘निक्षेपकर्ताको ब्याज भुक्तानीबापत काटिएको करलाई ई-टीडीएस रेकर्डमा जनाउनका लागि प्यान अत्यावश्यक छ । ग्राहकबाट प्यान अद्यावधिक भएपश्चात निजहको करकट्टीको विवरण (ई-टीडीएस) सो नम्बरमा प्रविष्ट हुने हुँदा आयकरको प्रणालीले स्वचालित रुपमा अनुसूची १० मा करकट्टीको विवरण मिलान गर्दछ ।’
प्यान अपडेट नगरे सम्बन्धित खातामा करवापतको रकम जम्मा नहुन सक्छ।
