- बैंकिङ संसार
काठमाडौं – मर्जर प्रकृयामा रहेको तिनाउ विकास बैंकले चालु आर्थिक वर्षको तेस्रो त्रैमासमा ६ करोड १० लाख ९६ हजार रुपैयाँ खुद नाफा आर्जन गरेको छ । बैंकले १३.३६ प्रतिशतले खुद नाफा वृद्धि गरेको छ ।
यस्तै बैंकको खुद ब्याज आम्दानीमा पनि सुधार आएको छ । खुद ब्याज आम्दानी २०.७० प्रतिशतले वृद्धि गरी १४ करोड ५० लाख २८ हजार रुपैयाँ पुर्याएको छ भने सञ्चालन नाफा पनि १५.७५ प्रतिशतले बढाएर ८ करोड २८ लाख २६ हजार रुपैयाँ पुर्याउन सफल भएको छ ।
बैंकले ५ अर्ब ३१ करोड ८२ लाख ११ हजार रुपैयाँ निक्षेप संकलन गरी ४ अर्ब ५७ करोड ८३ लाख ६७ हजार रुपैयाँ कर्जा लगानी गरेको छ ।
हाल बैंकको चुक्ता पुँजी बढेर ५६ करोड ७७ लाख ६७ हजार रुपैयाँ पुगेको छ । जगेडा कोषमा १३ करोड ९९ लाख ३ हजार रुपैयाँ रहेको यस बैंकको प्रतिसेयर आम्दानी १४ रुपैयाँ ५७ पैसा (वार्षिक) छ भने प्रतिसेयर नेटवर्थ १२४ रुपैयाँ ६४ पैसा रहेको छ ।
