काठमाडौँ । नेपाल राष्ट्र बैंकको डेपुटी गभर्नरमा दीर्घ रावल नियुक्त भएका छन्। बुधबार बसेको मन्त्रिपरिषद् बैठकले रावललाई डेपुटी गभर्नरमा नियुक्त गर्ने निर्णय गरेको हो।
सुदूरपश्चिमका रावल हाल नेपाल राष्ट्र बैंकको सुपरिवेक्षण विभाग प्रमुखका रूपमा कार्यरत छन्। उनी विगत दुई दशकदेखि निरन्तर राष्ट्र बैंकमा कार्यरत रहँदै आएका छन्।
राष्ट्र बैंकको बैंकिङ सुपरिवेक्षण तथा नियमन क्षेत्रमा लामो अनुभव हासिल गरेका रावलले अब डेपुटी गभर्नरको जिम्मेवारी सम्हाल्नेछन्।
