काठमाडौँ। बैंकिङ कसुर मुद्दामा एक जना व्यक्ति पक्राउ परेका छन्। पक्राउ पर्नेमा काठमाडौंको बुढानिलकण्ठ ५ का राजु मिजार रहेका छन्।
काठमाडौं जिल्ला अदालतबाट विभिन्न मितिमा बैंकिङ कसुर १२ र चेक अनादर २ गरी जम्मा १४ वटा मुद्दाका फैसलाहरू भएको थियो।
उनीमाथि अदालतले बिगो २ करोड ५८ लाख ६२ हजार बमोजिम ४३ लाख २३ हजार जरिवाना तथा क्षतिपूर्ति रकम १ लाख ७२ हजार र ९० दिन कैद सजाय फैसला भएको थियो।
केन्द्रीय अनुसन्धान ब्युरो (सीआईबी) बाट खटिएको प्रहरी टोलीले उनलाई काठमाडौंको धुम्बाराहीबाट पक्राउ गरी फैसला कार्यान्वयनको लागि काठमाडौं जिल्ला अदालतमा पेस गरिएको छ।
