काठमाडौँ। नेपाल राष्ट्र बैंकले हिमालयन बैंकको संस्थापक सेयर बिक्री गर्न स्वीकृति दिएको छ। राष्ट्र बैंकले हिमालयन बैंकको संस्थापक सेयर नेशनल लाइफ इन्स्योरेन्स कम्पनीलाई बिक्री गर्न स्वीकृति दिएको हो ।
राष्ट्र बैंकको स्वीकृति पाएपछि अब हबिब बैंकको नाममा रहेका संस्थापक सेयर नेशनल लाइफमा हस्तान्तरण गर्ने प्रक्रिया अघि बढ्नेछ।
पाकिस्तानको हबिब बैंकले आफूसँग रहेका हिमालयन बैंकका २ करोड ८० लाख १२ हजार ४४७ कित्ता सेयर नेशनल लाइफलाई बिक्री गर्न साउनको अन्तिम साता सम्झौता गरेको थियो।
सोही सम्झौता अनुसार कारोबार गर्न राष्ट्र बैंकले अनुमति दिएको छ।
