काठमाडौँ। नेपाल राष्ट्र बैंकले नोट गन्ने (नोट काउन्टिङ) मेसिन खरिदका लागि सार्वजनिक टेन्डर आह्वान गरेको छ। सोमबार जारी सूचनामार्फत बैंकले कुल ६ थान मिडियम प्रकारका नोट काउन्टिङ मेसिन खरिद गर्न इच्छुक आपूर्तिकर्ताहरूलाई बोलकबोलमा सहभागी हुन आह्वान गरेको हो।
बैंकका अनुसार उक्त मेसिनहरू धनगढीस्थित प्रादेशिक कार्यालयका लागि खरिद गर्न लागिएको हो । प्रत्येक मेसिनको न्यूनतम बोलकबोल मूल्य २८ हजार रुपैयाँ तोकिएको छ।
इच्छुक आपूर्तिकर्ताहरूले जेठ ६ गतेभित्र प्रस्ताव पेश गर्नुपर्नेछ। राष्ट्र बैंकले प्राप्त प्रस्तावहरूको मूल्यांकन गरी ४५ दिनभित्र योग्य आपूर्तिकर्ता छनोट गर्ने जनाएको छ।
