काठमाडौँ। एक महिनामा वाणिज्य बैंकहरुले झन्डै ६४ अर्ब रुपैयाँ कर्जा लगानी गरेका छन्। चैत महिनामा वाणिज्य बैंकहरुले ६३ अर्ब ९० करोड रुपैयाँ कर्जा लगानी गरेका हुन् ।
जसमध्ये सबैभन्दा धेरै ग्लोबल आईएमई बैंकले कर्जा लगानी गरेको छ। यस बैंकले एक महिनामा ९ अर्ब रुपैयाँ कर्जा प्रवाह गरेको छ। यस अवधीमा सबैभन्दा कम कर्जा लगानी माछापुच्छ्रे बैंकले प्रवाह गरेको छ। यस अवधीमा बैंकले १ अर्ब १० करोड रुपैयाँ कर्जा प्रवाह गरेको छ ।
यता राष्ट्रिय वाणिज्य बैंकले ७ अर्ब ९० करोड, नबिल बैंकले ७ अर्ब १० करोड, नेपाल इन्भेष्टमेन्ट मेगा बैंकले ५ अर्ब ६० करोड र स्ट्यान्डर्ड चार्टर्ड बैंकले ५ अर्ब १० करोड कर्जा प्रवाह गरेका छन्।
प्रभु बैंकले ३ अर्ब ५० करोड, कुमारी बैंकले १ अर्ब ४० करोड रुपैयाँ र एनआइसी एशिया बैंकले ५० करोड रुपैयाँ कर्जा लगानी गरेका छन्।
