काठमाडौँ । वाणिज्य बैंकहरूबाट प्रवाह हुने गाडी कर्जा बढेको छ। नेपाल राष्ट्र बैंकको तथ्यांकअनुसार चालु आर्थिक वर्ष २०८१-८२ को मंसिरसम्म वाणिज्य बैंकहरूबाट प्रवाह हुने गाडी कर्जा २.०४ प्रतिशतले बढेको हो ।
यस अवधिमा बैंकबाट १ खर्ब ११ अर्ब ५८ करोड २० लाख रुपैयाँ गाडी कर्जा प्रवाह भएको हो। अघिल्लो आर्थिक वर्षको सोहि अवधिसम्म बैंकहरुबाट १ खर्ब ९ अर्ब ३५ करोड १२ लाख रुपैयाँ कर्जा प्रवाह भएको थियो।
त्यस्तै, अघिल्लो वर्षको तुलनामा समीक्षा अवधिमा ११ वटा बैंकको गाडी कर्जा घटेको छ भने बाँकी ९ वटा बैंकको बढेको छ। समिक्षा अवधिमा सबैभन्दा धेरै गाडी कर्जा ग्लोबल आइएमई बैंकले १५ अर्ब ७३ करोड ६२ लाख रुपैयाँ प्रवाह गरेको छ।
