![# Siddhartha Bank](https://blogger.googleusercontent.com/img/b/R29vZ2xl/AVvXsEjUYOOWpDAzqlORLwLG0N4daY88FNMHFmYwEKbeMJKZoYvyZvImpCpPZ-kVzrYjlEtNswVqNCsajaoUH82pw93gEy1n9fYcbr4uWUELuAyeKFVzkCP08Lw6UPhkSKtFoFdT7H-02ypJWhkJ/s16000/SIDDHARTHA-BANK.jpg)
- बैंकिङ संसार
विराटनगर । सिद्धार्थ बैंक लिमिटेटले कोरोना महामारी नियन्त्रणका लागि आर्थिक सहयोग गरेको छ । बैंकले संस्थागत सामाजिक उत्तरदायित्वअन्तर्गत प्रदेश १ सरकारलाई १० लाख रुपैयाँ आर्थिक सहयोग गरेको हो ।
प्रदेश सरकारले स्थापना गरेको जनसुरक्षा कोषमा सिद्धार्थ बैंकको प्रदेश कार्यालयका प्रमुख कमल बस्नेतले आन्तरिक मामिला तथा कानुनमन्त्री हिक्मत कार्कीलाई १० लाख रुपैयाँको चेक हस्तान्तरण गरेका हुन् । उक्त कार्यक्रममा बैंकका विराटनगर शाखाका प्रबन्धक सूर्यप्रसाद शर्मा, आन्तरिक मामिला तथा कानुन सचिव राजेन्द्रकुमार पौडेलको उपस्थित रहेको थियो ।