काठमाडौँ । एकैदिन बैंकिङ प्रणालीको निक्षेप ८ अर्ब रुपैयाँले बढेको छ । नेपाल राष्ट्र बैंकको पछिल्लो तथ्याङ्कअनुसार जेठ १८ गते एकैदिन बैंक तथा वित्तीय संस्थाहरूको निक्षेप ८ अर्ब रुपैयाँले बढेको हो ।
बैंकहरूको कुल निक्षेप जेठ १७ गतेसम्म ६२ खर्ब १९ अर्ब रुपैयाँ थियो । बैंक तथा वित्तीय संस्थाहरूको कुल निक्षेप ६२ खर्ब २७ अर्ब रुपैयाँ पुगेको छ ।
त्यस्तै, वाणिज्य बैंकहरूको निक्षेप पनि एकै दिन ७ अर्ब रुपैयाँले बढेको छ । अघिल्लो दिनसम्म वाणिज्य बैंकहरूको कुल निक्षेप ५५ खर्ब ४ अर्ब रुपैयाँ रहेकोमा जेठ १८ गते बढेर ५५ खर्ब ११ अर्ब रुपैयाँ पुगेको हो ।
यता बैंकहरुको औसत सीडी रेसियो ८०.१७ प्रतिशत रहेकोमा जेठ १८ गते घटेर ८०.०८ प्रतिशतमा झरेको छ।
