काठमाडौँ । एचएसबीसी च्यानल आइल्यान्ड्स र आइल अफ म्यानका ६ कर्मचारीले पुरस्कार प्राप्त गरेका छन्। बैंकको अन्तर्राष्ट्रिय अवार्ड कार्यक्रममा उत्कृष्ट प्रदर्शन गर्दै उनीहरूले विभिन्न पुरस्कार प्राप्त गरेका हुन्।
बैंकद्वारा हालै बार्सिलोनामा आयोजित ‘इन्टरनेसनल वेल्थ एन्ड प्रिमियर बैंकिङ अमेरिका एन्ड युरोप पर्फर्मेन्स एक्सिलेन्स अवार्ड्स’मा जर्सी, ग्वेर्नसे र आइल अफ म्यानका १८ कर्मचारी सहभागी भएका थिए। जसमध्ये डिन एन्डरसनले ‘पिपल लिडर अवार्ड’, यभोन्ने ह्यामेट म्याकडर्मटले ‘कस्टमर सेन्ट्रिसिटी अवार्ड’ र म्हाइरी थोम्सेटले ‘हाउ वी लिड अवार्ड्ससिम्प्लिफाइ टु एम्प्लिफाइ’ पुरस्कार जितेका छन्।
क्यान्डिस वार्मन प्रिमियर अवार्ड तथा शाबाज हमिद र साइमन फ्रियर वेल्थ अवार्डका लागि मनोनीत भएका थिए। तीनदिने कार्यक्रममा युरोप र अमेरिकाका एचएसबीसीका वेल्थ तथा प्रिमियर बैंकिङ टोलीका उत्कृष्ट कर्मचारीलाई सम्मान गर्नुका साथै तालिम, नेतृत्व विकास र नेटवर्किङका अवसरसमेत प्रदान गरिएको थियो। पुरस्कारका लागि निरन्तर उत्कृष्ट कार्यसम्पादन, प्रभावकारी नेतृत्व र ग्राहकलाई प्रदान गरिएको मूल्यलाई प्रमुख आधार बनाइएको थियो।
एचएसबीसी च्यानल आइल्यान्ड्स तथा आइल अफ म्यानका इन्टरनेसनल वेल्थ एन्ड प्रिमियर बैंकिङ प्रमुख अल्भारो टेक्सेइराले विजेताहरूलाई बधाई दिँदै उनीहरूले ग्राहक सेवा, नेतृत्व र कार्यसम्पादनमा उत्कृष्ट उदाहरण प्रस्तुत गरेको बताएका छन् ।
उनले अन्तर्राष्ट्रिय स्तरको कार्यक्रममा द्वीप क्षेत्रका कर्मचारीको बलियो उपस्थितिले एचएसबीसीको विश्वव्यापी नेटवर्कमा यस क्षेत्रको महत्वपूर्ण भूमिकासमेत देखाएको बताए।
