काठमाडौँ। स्रोत नखुलेको नगदसहित एक जना व्यक्ति पक्राउ परेका छन्। पक्राउ पर्नेमा मोरङको जहदा गाउँपालिका-२ बस्ने २४ वर्षीय विशाल टुडु रहेका हुन्।
उनी ४ लाख ६२ हजार ५ सय रुपैयाँसहित मोरङबाट पक्राउ परेका छन्। मोरङको कटहरी गाउँपालिका ३ बाट उक्त रकमसहित पक्राउ परेका हुन्।
जिल्ला प्रहरी कार्यालय मोरङबाट खटिएको प्रहरीले विराटनगरबाट कटहरीतर्फ जाँदै गरेको प्र.०२ ००२ च ६६१० नम्बर पिकअप गाडी जाँच गर्ने क्रममा चालक उनकाे साथबाट उक्त नगद फेला पारी पक्राउ गरेको हो।
हाल यस सम्बन्धमा आवश्यक अनुसन्धान भइरहेको प्रहरीले जनाएको छ।
