- बैंकिङ संसार
काठमाडौं । राष्ट्रिय वाणिज्य बैंकले नयाँ योजना सार्वजनिक गरेको छ । बैंकले आउँदो दशै एवं तिहारलगायतका पर्वलाई मध्यनजर गर्दै कात्तिक १ गतेबाट आफ्ना सम्पूर्ण शाखाहरुमार्फत पिओएसको माध्यमवाट भुक्तानी सेवा सुरु गर्ने नयाँ योजना सार्वजनिक गरेको हो ।
विद्युतीय माध्यमवाट भुक्तानीको व्यवस्थालाई व्यापक तथा प्रभावकारी बनाउने प्रयोजनको लागि उक्त सेवा सुरु गरेको बैंकले जनाएको छ ।
देशभर रहेको विभिन्न व्यवसायहरुमा राष्ट्रिय वाणिज्य बैंकको कार्डबाट पिओएसको माध्यमबाट रकम भुक्तानी गर्दा कारोबारमा अधिकतम १५ प्रतिशत वा १ हजार रुपैंयासम्म क्यास ब्याक हुनेसमेत बैंकले जनाएको छ ।
विश्वव्यापीरुपमा फैलिएको माहामारीबाट टाढा रहनको लागिसमेत विद्युतीय भुक्तानी प्रणाली सहयोगी हुन सक्ने र यस प्रकारको प्रणालीबाट ग्राहकवर्ग बैंकको सेवाग्राहीहरु तथा समग्र समाजलाई अधिकत्तम फाईदा पुग्ने पनि बैंकले जनाएको छ ।
