काठमाडौँ। बैंकिङ प्रणालीमा एकैदिन १० अर्ब रुपैयाँ थपिएको छ। नेपाल राष्ट्र बैंकको मंसिर १० गतेको तथ्यांकअनुसार मंसिर ९ गतेसम्म बैंकिङ प्रणालीमा ७५ खर्ब ९ अर्ब रुपैयाँ रहेकोमा भोलिपल्ट अर्थात् मंसिर १० गते १० अर्ब रुपैयाँ थपिएर ७५ खर्ब १९ अर्ब रुपैयाँ पुगेको हो।
चालु आर्थिक वर्ष २०८२-८३ को तीन महिनामा नेपाल राष्ट्र बैंकले कुल १३० खर्ब ७५ अर्ब ९५ करोड (कारोबारमा आधारित) तरलता प्रशोचन गरेको छ।
राष्ट्र बैंकले निक्षेप सङ्कलन बोलकबोलमार्फत ७ खर्ब १४ अर्ब ६५ करोड र स्थायी निक्षेप सुविधामार्फत १२३ खर्ब ६१ अर्ब ३० करोड गरी सो रकम बराबरको तरलता प्रशोचन गरेको हो।
