काठमाडौँ। मुक्तिनाथ विकास बैंकले आफ्ना सेयरधनीलाई लाभांश वितरण गर्ने निर्णय गरेको छ। बैंकको भदौ ३१ गते बसेको सञ्चालक समितिको बैठकले गत आर्थिक वर्ष २०८१-८२ को मुनाफाबाट वितरण गर्न प्रस्ताव गरेको लाभांशको विवरण सार्वजनिक गरेको हो।
जसअनुसार बैंकले आफ्नो चुक्ता पुँजीको १३.५३ प्रतिशत बोनस सेयर र ४.६७ प्रतिशत नगद लाभांश वितरण गर्ने प्रस्ताव गरेको छ। जसका कारण कुल १८.२० प्रतिशत लाभांश वितरण हुने प्रस्ताव छ।
नेपाल राष्ट्र बैंकको स्वीकृति प्राप्त भएपछि र कम्पनीको आगामी साधारणसभामा पारित भएपछि यो लाभांश लगानीकर्तामा वितरण गरिने कम्पनीले जनाएको छ।
