काठमाडौँ । नबिल बैंक वित्तीय प्रतिवेदन अवार्डबाट सम्मानित भएको छ । बैंक दक्षिण एसियाकै उत्कृष्ट वित्तीय प्रतिवेदन अवार्डबाट सम्मानित भएको हो ।
साउथ एसियन फेडरेसन अफ एकाउन्टेन्स् (साफा) ले सोमबार श्रीलंकामा आयोजना गरेको कार्यक्रममा नबिल बैंकले उक्त अवार्ड पाएको हो ।
दक्षिण एसियाका निजी क्षेत्र बैंकिङतर्फ सन् २०२२-२३ को वित्तीय प्रतिवेदनका आधारमा नबिल सम्मानित भएको छ । बैंकलाई वित्तीय पारदर्शिता, जवाफदेहिता तथा सुशासनका लागि यो अवार्ड प्रदान गरिएको हो ।
नबिल बैंकले यसअघि पनि नेपाल चार्टर्ड एकाउन्टेन्ट संस्था (आइक्यान) बाट वाणिज्य बैंकतर्फको उत्कृष्ट वित्तीय प्रतिवेदन अवार्ड प्राप्त गरेको थियो।
