काठमाडौँ । चेक बाउन्स मुद्दामा दोषी ठहर हुनेलाई सजाय हुने भएको छ । चेक अनादर (बाउन्स) मुद्दामा दोषी ठहर हुनेलाई १ महिनादेखि २ वर्षसम्म कैद सजाय हुने भएको हो ।
आइतबार प्रतिनिधि सभाअन्तर्गतको अर्थ समितिको बैठकमा बैंकिङ कसुर तथा सजाय (दोस्रो संशोधन) विधेयक, २०८० माथि दफावार छलफलमा यस्तो सहमति भई सर्वसम्मत रुपमा पारित भएको छ ।
सो छलफलमा १५ लाखसम्मको चेक अनादरमा १ महिना, ५० लाख सम्मकोमा ३ महिना, १ करोडसम्मकोमा १ वर्ष र करोडभन्दा माथिको चेक अनादर प्रमाणित भए २ वर्षको कैद सजाय हुने विषयमा सहमति भएको हो ।
