- बैंकिङ संसार
काठमाडौं । हिमालयन बैंकले आफ्ना सेयरधनीहरुलाई २२% लाभांश दिने निर्णय गरेको छ । बैंकको बिहीबार बसेको सञ्चालक समिति बैठकले गत वर्षको नाफाबाट १०% बोनस सेयर र १२% नगद लाभांश दिने निर्णय गरेको हो ।
बैंकले ८५ करोड २० लाख २५ हजार ५८४ रुपैयाँ बराबरको बोनस सेयर बाँड्नेछ भने १ अर्ब २ करोड २४ लाख ३० हजार ७०१ रुपैयाँ नगद लाभांश वितरण गर्नेछ । बैंकको उक्त लाभांश नियामक राष्ट्र बैंक र आगामी साधारण सभाले अनुमोदन गरेपछि लगानीकर्तालाई वितरण गरिनेछ ।
बोनस वितरणपछि बैंकको चुक्ता पुँजी ९ अर्ब ३७ करोड २२ लाख ८१ हजार रुपैयाँ पुग्नेछ ।
