- बैंकिङ संसार
काठमाडौं । माछापुच्छ्रे बैंकले चौथो त्रैमासमा १ अर्ब २५ करोड खुद नाफा गरेको छ । बैंकको अघिल्लो वर्ष भन्दा यस वर्ष ४४ करोड रुपैयाँले खुद नाफा घटेको हो । बैंकले अघिल्लो वर्ष यसै अवधिमा १ अर्ब ६९ करोड रुपैयाँ खुद नाफा गरेको थियो ।
बैंकले अघिल्लो वर्ष ८५ अर्ब रुपैयाँ निक्षेप संकलन गरेको थियो भने यस वर्ष १ खर्ब ४ अर्ब रुपैयाँ निक्षेप संकलन गरेको छ । त्यस्तै, अघिल्लो वर्ष ७५ अर्ब ९ करोड रुपैयाँ कर्जा प्रवाह गरेको थियो भने यस वर्ष ९२ अर्ब ३३ करोड रुपैयाँ कर्जा प्रवाह गरेको छ । बैंकको अघिल्लो वर्ष भन्दा यस वर्ष १९ अर्ब रुपैयाँले निक्षेप बढेको हो ।
हाल ८ अर्ब ४५ करोड चुुक्ता पूँजी रहेको बैंकको खराब कर्जा ०.५४ प्रतिशत रहेको छ । त्यस्तै, बैंकको सीसीडी रेसियो ७३.८१ प्रतिशत, बेसरेट ९.२१ प्रतिशत, स्प्रेडदर ४.३६ प्रतिशत र कष्ट अफ फण्ड ६.७१ प्रतिशत रहेको छ ।
