काठमाडौँ। १ करोड ५७ लाख रुपैयाँ बराबरको बैंकिङ कसुरका फरार प्रतिवादी पक्राउ परेका छन्। पक्राउ पर्नेमा काठमाडौं तार्केश्वर बस्ने ३६ वर्षीय सबिन महर्जन रहेका छन् ।
उनीविरुद्ध प्रहरी वृत्त थानकोट काठमाडौंमा १ करोड ५० लाख रुपैयाँ र प्रहरी वृत्त बालाजु काठमाडौंमा ७ लाख रुपैयाँ बराबरको बैंकिङ कसुरको मुद्दा दर्ता भएको थियो ।
हाल काठमाडौं उपत्यका अनुसन्धान कार्यालयबाट खटिएको प्रहरी टोलीले महर्जनलाई पक्राउ गरिसकेको छ। महर्जनलाई थप अनुसन्धान तथा आवश्यक कारबाहीको लागि प्रहरी वृत्त महाराजगञ्ज, काठमाडौं पठाइएको प्रहरीले जनाएको छ।
