- बैंकिङ संसार
काठमाडौं । एनआईसी एशिया बैंकले दुर्घटनामा परी ज्यान गुमाएका अर्जुन खरालको परिवारलाई दुर्घटना बीमा वापतको रु.१० लाख उपलब्ध गराएको छ ।
बैंकमा सर्वश्रेष्ठ बचत खाता खोलेका रुपन्देही जिल्लास्थित शुद्धोधन गाउँपालिका स्थायी घर भएका मृतक खरालको खातामा उपलब्ध दुर्घटना बीमावापतको रकम उनकी श्रीमती लक्ष्मी बस्याललाई बैंकका लुम्बिनी प्रदेश प्रमुख तिलक सुन्दर कार्कीले रु.१० लाख रुपैयाँको चेक हस्तान्तरण गरेका हुन् ।
बैंकले हालसम्म २०७९ जना ग्राहकहरुलाई बीमा दाबी गरे वापतको रु. ७ करोड ८८ लाखभन्दा बढी रकम प्रदान गरिसकेको छ । जसमध्ये घातक रोग बीमा वापत २७ जनाले रु.२ करोड ९० लाख, दुर्घटना बीमा वापत १३ जनाले रु. १ करोड ३० लाख र मेडिकल बीमा वापत २ हजार ३९ जनाले रु. ३ करोड ६७ लाख बीमा रकम प्राप्त गरेका छन् ।
बैंकले सर्वश्रेष्ठ बचत खाता खोल्ने ग्राहकहरुलाई ८४ लाख रुपैयाँ बराबरको बीमा सुविधा उपलब्ध गराएको छ । जस अन्तर्गत रु.४० लाखको दुर्घटना बीमा, रु. ४० लाखको घातक रोग बीमा र रु.४ लाखसम्मको औषधि उपचार बीमा प्राप्त गर्न सकिन्छ । औषधि उपचार बीमामध्ये अस्पताल भर्ना हुने बिरामीले रु.३ लाख २० हजारसम्म र ओपीडी उपचारको लागि रु.८० हजारसम्म प्राप्त गर्न सकिने बैंकले जनाएको छ ।
