काठमाडौँ । प्रभु बैंकको वार्षिक साधारण सभा आगामी वैशाख २० गते हुने भएको छ । बैंकको संचालक समितिको बैठकले बैंकको केन्द्रीय कार्यलयमा २२औँ वार्षिक साधारण सभा गर्ने भएको हो ।
उक्त सभा विहान १० बजेबाट सुरु हुने भएको छ । सभाले आर्थिक वर्ष २०७९-८०को प्रतिवेदन, लेखापरिक्षकको प्रतिवेदनसहितको वासलात, नाफा नोक्सान हिसाब र नगद प्रवाह विवरणसहितका अनुसूचीहरु पारित गर्नेछ । साथै, आर्थिक वर्ष २०८०-८१ का लागि लेखा परिक्षकको नियुक्ति तथा निजको पारिश्रमिक समेत सो सभाले निर्धारण गर्नेछ ।
बैंकले वार्षिक साधारण सभा प्रयोजनाका लागि वैशाख ४ गते बुक कोल्ज गर्ने निर्णय गरेको छ ।
