काठमाडौँ। बैंकको अर्को सेफ (भल्ट) पनि फेला परेको छ । रसुवा जिल्लाको टिमुरे आसपासको क्षेत्रमा आएको विशाल बाढीका कारण बगाएर ल्याएको बैंकको अर्को सेफ (भल्ट) फेला परेको हो।
बैंकको भल्ट धादिङको मलेखु खोलाको किनारमा फेला परेको छ ।
फेला परेको उक्त भल्टलाई जिल्ला प्रशासन कार्यालयमा राखिएको बुझिएको छ। बाढीले बगाएर ल्याएको बैंकको अर्को सेफ फोडी रकम लुटेको आरोपमा २९ जना पक्राउ परेका थिए ।
नेपाल प्रहरी र सशस्त्र प्रहरी बलको संयुक्त टोलीले उनीहरूलाई करिब ९२ लाख रुपैयाँसहित पक्राउ गरेको थियो।
बाढीले बगाएको बैंकको सेफ फोडेर लुटपाट, ९२ लाखसहित २९ जना पक्राउ
