काठमाडौँ । रसुवामा आएको बाढीका कारण बैंकहरुको अरवौं लगानी क्षणभरमै बगेको छ । बाढीका कारण थुप्रै घर, गाडी, अन्य पूर्वाधारहरु पनि बगेका छन् । यसको सिधा असर बैंकहरुको ब्यालेन्स सिटमा देखिने पक्कापक्की जस्तै भएको छ ।
हालसम्म प्राप्त सूचना अनुसार बाढीले कुमारी बैंक टिमुरे शाखा, माछापुच्छ्रे बैंक लिमिटेड टिमुरे शाखा, नबिल बैंक लिमिटेड टिमुरे शाखा, लक्ष्मी सनराइज बैंक, नेपाल इन्भेस्टमेन्ट मेगा बैंक, ग्लोबल आईएमई बैंक र सानिमा बैंकको टिमुरे शाखाहरू बगाएको पाइएको हो।
बाढीका कारण बैंकका केहि कर्मचारीहरु सम्पर्कविहीन भएका छन् । बैंकमा रहेको करोडौँ रकम पनि बाढीले बगाएको छ ।
