काठमाडौँ। बैंकिङ कसुर मुद्दामा एक जना व्यक्ति पक्राउ परेका छन्। पक्राउ पर्नेमा धादिङको निलकण्ठका बाबुराम श्रेष्ठ रहेका छन् ।
बिगो बापत २ वर्ष कैद तोकिएका उनी पक्राउ परेका हुन्।
काठमाडौँ जिल्ला अदालत, ववरमहलले उनीमाथि ४३ लाख रुपैयाँ बापत २ वर्ष कैद फैसला गरेको थियो । उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरीको टोलीले काठमाडौँको महाबौद्धबाट पक्राउ गरेको हो ।
उनलाई पक्राउ गरी फैसला कार्यान्वयनको लागि काठमाडौं जिल्ला अदालत बबरमहलमा उपस्थित गराइएको प्रहरीले जनाएको छ।
