काठमाडौँ। नेपाल राष्ट्र बैंकले उच्च व्यवस्थापक पद खाली भएको ३ महिनाभित्र अनिवार्य नियुक्त गरिसक्नु पर्ने व्यवस्था गरेको हो । बैंक तथा वित्तीय संस्थाले प्रमुख कार्यकारी अधिकृत (सिइओ) तथा उच्च व्यवस्थापकीय पद ३ महिना भन्दा धेरै अवधि रिक्त राख्न नपाउने भएका हुन् ।
बैंक तथा वित्तीय संस्थाको कर्मचारी विनियमावली संशोधन मस्यौदा तयार गर्दै उच्च व्यवस्थापकको नियुक्ति अवधि, ओभर टाइम (ओटी) गर्ने समय लगायत विषयलाई संशोधन प्रस्ताव गरेको हो ।
नेपाल राष्ट्र बैंकले बैंक तथा वित्तीय संस्थाहरूको व्यवस्थापन र कर्मचारी अधिकारलाई थप व्यवस्थित बनाउन नयाँ व्यवस्था लागू गरेको छ।
संशोधित एकीकृत निर्देशनअनुसार अब कुनै बैंक वा वित्तीय संस्थाले प्रमुख कार्यकारी अधिकृत (सिइओ) को पद ३ महिनाभन्दा बढी समयसम्म रिक्त राख्न पाउने छैन। लामो समयसम्म कामु नेतृत्वको भरमा संस्था सञ्चालन गर्ने अभ्यास अन्त्य गर्ने उद्देश्यले यस्तो व्यवस्था गरिएको हो।
