सिद्धार्थ बैंकको नाफा ३ गुणाले बढ्यो, इपीएस २४.१ रुपैयाँ

काठमाडौँ । सिद्धार्थ बैंक लिमिटेडले आर्थिक वर्ष २०८१/८२ को चौथो त्रैमासिक अवधिको अपरिष्कृत वित्तीय विवरण सार्वजनिक गरेको छ । प्रकाशित विवरण अनुसार बैंकको वितरणयोग्य मुनाफा तीन गुणाले अर्थात् २२० प्रतिशतले वृद्धि भई १ अर्ब ८६ करोड रुपैयाँ पुगेको छ। अघिल्लो वर्ष सोही अवधिमा यो मुनाफा ५८ करोड रुपैयाँ मात्र थियो।

बैंकले खराव कर्जा (NPL) २.६२ प्रतिशतमा सीमित राख्न सफल भएको छ भने खुद व्याज आम्दानी ६.४३ प्रतिशतले बढेर ८ अर्ब ४४ करोड रुपैयाँ पुर्याउन सफल भएको छ । कुल ११ अर्ब १६ करोड रुपैयाँ संचालन आम्दानी गरेको बैंकले सन्तुलित व्यवसायिक वृद्धि कायम राखेको छ।

प्रमुख वित्तीय सूचकहरू:

प्रति शेयर आम्दानी (EPS): २४.१ रुपैयाँ

वितरणयोग्य आम्दानीमा आधारित EPS: १३.२२ रुपैयाँ

प्रति शेयर नेटवर्थ: २१९.९७ रुपैयाँ

PE रेसियो: १५.९३

पूँजीकोष अनुपात: ११.७७ प्रतिशत

कर्जा–निक्षेप अनुपात (CD Ratio): ७६.९२ प्रतिशत

आधार ब्याजदर: ६.४२ प्रतिशत (१.६९ प्रतिशत विन्दुले घटेको)

स्प्रेडदर: ३.९८ प्रतिशत