काठमाडौँ । माछापुच्छ्रे बैंकको सिइओमा सन्तोष कोइराला पुन:नियुक्त भएका छन् । बैंकको संचालक समितिले कोइरालालाई दोस्रो कार्यकालका लागि पुन:सीइओ पदमा नियुक्त गरेको हो ।
सिइओ कोइराला वैशाख १ गतेदेखि लागु हुने गरी दोस्रो कार्यकालका लागि नियुक्त भएका छन् । उनको कार्यकाल ४ वर्षका लागि हुनेछ ।
साथै, उनीसँग २५ वर्षको लामो बैंकिङ अनुभवसमेत रहेको छ ।
धेरै वर्षदेखि बैंकिङ क्षेत्रमा लागेका कोइराला छोटो समयमा नै प्रगति हासिल गर्ने सफल बैंकरको रुपमा चिनिन्छन् ।
