- बैंकिङ संसार
काठमाडौं । मेगा बैंक नेपाल लिमिटेडले ‘कर्पोरेट-पे’ सेवा संचालनमा ल्याएको छ । बैंकले आफ्ना संस्थागत ग्राहकहरुका लागि बैंक खाताबाटै डिजिटल भुक्तानी गर्न सकिने गरी ‘कर्पोरेट-पे’ सेवा संचालनमा ल्याएको हो । बैंककी प्रमुख कार्यकारी अधिकृत अनुपमा खुञ्जेली र नेपाल क्लियरिङ्ग हाउसको प्रमुख कार्यकारी अधिकृत नीलेशमान सिंह प्रधानले सम्झौता पत्रमा हस्ताक्षर पनि गरका छन् ।
यससँगैं मेगा बैंकका व्यवसायिक ग्राहकहरुलाई उक्त डिजिटल माध्यममार्फत बैंकमा नगई रकम स्थानान्तरण, तलब भुक्तानी, भेन्डर पेमेन्ट, सरकारी राजस्व भुक्तानी लगायतका अन्य विभिन्न व्यवसायिक भुक्तानीहरु आफ्नो खाताबाटै सजिलै गर्न सक्ने भएक छन् । उक्त प्रणालीमार्फत कनेक्ट आइपिएस अथवा एनसिएचल आइपिएसमा रियल-टाइम वा नन-रियलटाइममा समेत भुक्तानी सम्बन्धी कारोबारहरु गर्न सकिने पनि बैंकले जनाएको छ ।
‘कर्पोरेट-पे’ मा आवद्व हुनका लागि ग्राहकले मेगा बैंकमा सम्पर्क गरी ‘कर्पोरेट-पे’ प्रणालीको सुरुवातको लागि स्वीकृति लगायतका आवश्यक प्रक्रिया पूरा गर्नु पर्नेछ । त्यसपश्चात ग्राहकहरुले तोकिएको सीमा भित्र रही कुनै पनि भुक्तानीहरु बैंकको प्रत्यक्ष संलग्नताबिना गर्न सक्ने भएका छन । यस्तैगरी तोकिएको सीमा भन्दा बढी रकमको कारोबार गर्नको लागि बैंकले नियमानुसार थप प्रक्रिया पूरा गरेपश्चात गर्न मिल्ने व्यवस्था रहेको छ ।
यस प्रणालीमा पहुँच पाउन मल्टी लेयर अथेन्टिकेसनको सुरक्षित व्यवस्था पनि गरिएको छ । साथै कुनै पनि कारोबार प्रविष्ट तथा स्वीकृत ग्राहक आफैले निर्धारण गरेको आधिकारिक प्रयोगकर्ताहरुले मात्र गर्न पाउने गरी यस प्रणालीमा सुरक्षाको व्यवस्था मिलाइएको छ । यस्तै ग्राहकले आवश्यक्ता अनुसार यस प्रणालीमा एक भन्दा बढी बैंक खाताहरु पनि लिङ्क गरी कारोबार गर्न सकिने प्रावधान पनि रहेको छ ।
आफ्ना ग्राहकहरुका लागि विभिन्न डिजिटल भुक्तानी माध्यामहरु प्रदान गर्दै आएको मेगा बैंकले यस ‘कर्पोरेट-पे’ प्रणालीको सुरुवातबाट बैंकका व्यवसायिक ग्राहकहरुलाई डिजिटल भुक्तानीको सेवा प्रदान गर्न थप टेवा पुग्ने विश्वास लिएको छ । यस प्रणालीको प्रयोग र विस्तार पश्चात बैंकको शाखा कार्यालयमा उपस्थित नभई विभिन्न भुक्तानीको कारोबारहरु अनलाईन मार्फतनै गर्न सकिने हुँदा व्यवसायिक ग्राहकहरुलाई अझ बढी सहज हुने बैंकले जनाएको छ ।
