![# Nepal Investment Bank](https://blogger.googleusercontent.com/img/b/R29vZ2xl/AVvXsEjNl9IEvsFu3PhlqPzBKAATarfdx83w7ft4wNAnehF81iDAaA_eV4OObXKe1vCn3PGAO0o7l3t5CP_QLZpOVu6w_dhQneDYPhsK5Hkfag9zo5cQmfImvln-SPPBHPQoW-C7Ejf0_xw0_dpj/s16000/NEPAL-INVESTMENT-BANK.jpg)
- बैंकिङ संसार
काठमाडौं । नेपाल इन्भेष्टमेन्ट बैंक लिमिटेडको वार्षिक साधारणसभा हुने भएको छ । बैंकको आगामी माघ ८ गते आफ्नो ३४औं वार्षिक साधारणसभा हुने भएको हो । बैंकले उक्त दिन बिहान १० बजे काठमाडौंको दरबारमार्गस्थित बैंकको केन्द्रिय कार्यालयमा साधारणसभा बोलाएको हो ।
सभाले सञ्चालक समितिको लाभांश प्रस्तावलाई पारित गर्ने भएको छ । बैंक सञ्चालक समितिले गत आर्थिक वर्षको नाफाबाट सेयरधनीलाई १३ प्रतिशत बोनस र ५.५० प्रतिशत नगद गरी १८.५ प्रतिशत लाभांश प्रस्ताव गरेको थियो । हाल बैंकको चुक्ता पुँजी १४ अर्व २४ करोड रुपैयाँ रहेको छ भने १३ प्रतिशत बोनस पछि बैंकको चुक्ता पुँजी १६ अर्व रुपैयाँ नाघ्नेछ ।
त्यस्तै सभाले अधिकृत पुँजी वृद्धि गरी १८ अर्व पुर्याउने सञ्चालक समितिको विशेष प्रस्तावलाई पारित गर्ने भएको छ । यससँगै सभाले सर्वसाधारण सेयरधनीमध्येबाट सञ्चालक समितिमा २ जना सञ्चालक निर्वाचित गर्ने भएको छ । यस्तै सभाले कुनै संस्था मर्ज तथा एक्विजिशनको लागि पनि सञ्चालक समितिलाई पूर्ण अख्तियारी दिने भएको छ ।