![# Mega Bank](https://blogger.googleusercontent.com/img/b/R29vZ2xl/AVvXsEiymMUSUzUB1VvCz49ztDe7S27YmSpPtLYIhv_Yk0pgHFTcuPlTGb1mmD2PrDxwtZi-CGg_uyMij14fqwNvDvvSDZu1nKsI-0mS1JYAyu6Qjn48RdxBC9R7JefY3NafxLraLQSMGm7YOcOm/s16000/3.jpg)
- बैंकिङ संसार
काठमाडौं । मेगा बैंक लिमिटेडले ‘वीच्याट-पे’ भुक्तानी सेवा सार्वजनिक गरेको छ । बैंकले छिमेकी मुलक चीनको प्रख्यात ‘वीच्याट-पे’ सँग भुक्तानी सेवाका लागि साझेदारी गरी उक्त सेवा सार्वजनिक गरेको हो । यो सम्झौतापछि ‘वीच्याट-पे’ मोबाइल वालेट प्रयोगकर्ताहरुले मेगा बैंक अन्तर्गतका मर्चेन्टहरुमा राखिएका क्यूआर कोड स्क्यान गरी डिजिटल रुपमा रकम भुक्तानी गर्न सकिने ब्यवस्था मिलाइएको छ ।
नेपाल भ्रमण गर्ने चिनियाँ पर्यटकहरु तथा नेपालवाट सामान आयात गर्ने चिनियाँ व्यापारीहरुले अब विभिन्न सामाग्री तथा सेवाको लागि ‘वीच्याट-पे’ मार्फत रकम भुक्तानी गर्न सक्ने भएका छन् । नेपालमा वर्षेनी लाखौं चिनियाँ पर्यटकहरु आउने गरेका छन् । चीनमा निकै लोकप्रिय रहेका ‘वीच्याट-पे’ मार्फत नेपालमा रकम भुक्तानी गर्न पाउँदा चिनियाँ पर्यटकहरु लाभान्वित हुनेछन् भने राष्ट्रलाई विदेशी मुद्रा आर्जनमा सघाउ पुग्ने विश्वास बैंकले लिएको छ ।
डिजिटल बैंकिङ सेवालाई प्राथमिकतामा राख्दै आएको बैंकले भुक्तानी सेवालाई सहज र प्रभावकारी बनाउन आगामी दिनमा पनि यस्ता साझेदारीलाई प्राथमिकता दिने योजना बनाएको बैंकका प्रमुख बजार अधिकृत (सीएमओ) मनोज खड्काले बताएका छन् ।