काठमाडौँ। वाणिज्य बैंकहरुको निक्षेप संकलनमा उल्लेख्य सुधार देखिएको छ। नेपाल बैंकर्स संघ (एनबीए) को चालु आर्थिक वर्षको माघसम्मको तथ्यांकअनुसार हाल संचालनमा रहेका २० वाणिज्य बैंकमा ५९ खर्ब ९७ अर्ब ५ करोड रुपैयाँ निक्षेप संकलन भएको हो।
यस अवधीमा सबैभन्दा बढी निक्षेप संकलन ग्लोबल आईएमई बैंकको गरेको छ भने सबैभन्दा कम निक्षेप संकलन स्टान्डर्ड चार्टर्ड बैंकले गरेको छ । ग्लोबल आईएमई बैंकले माघसम्ममा ५ खर्ब २९ अर्ब रुपैयाँ संकलन गरेको छ भने स्टान्डर्ड चार्टर्ड बैंकले १ खर्ब २४ रूपैयाँमात्र निक्षेप संकलन गरेको छ।
त्यस्तै, दोस्रोमा सबैभन्दा धेरै निक्षेप नबिल बैंकले संकलन गरेको छ। यस बैंकले ४ खर्ब ९९ अर्ब रुपैयाँ निक्षेप संकलन गरेको छ। नेपाल इन्भेस्टमेन्ट बैंकले ४ खर्ब ४७ अर्ब रुपैयाँ, राष्ट्रिय वाणिज्य बैंकले ४ खर्ब ४४ अर्ब रूपैयाँ, कुमारी बैंक ३ खर्ब ६१ रूपैयाँ, लक्ष्मी सनराइज बैंकले ३ खर्ब ४७ अर्ब रूपैयाँ, प्रभु बैंकले ३ खर्ब ९ अर्ब रूपैयाँ, नेपाल बैंकले ३ खर्ब ४ अर्ब रूपैयाँ, एनआईसी एशिया बैंकले ३ खर्ब रुपैयाँ २ अर्ब रूपैयाँ, हिमालयन बैंकले ३ खर्ब रूपैयाँ, एभरेष्ट बैंकले र एनएमबी बैंकले २ खर्ब ३१ अर्ब रूपैयाँ निक्षेप संकलन गरेका छन्।
यता, कृषि विकास बैंकले २ खर्ब ५६ अर्ब रूपैयाँ, प्राइम कमर्सियल बैंकले २ खर्ब ३८ अर्ब रूपैयाँ, सिद्धार्थ बैंकले २ खर्ब ४३ अर्ब रूपैयाँ, सानिमा बैंकले २ खर्ब १३ अर्ब रूपैयाँ, सिटिजन्स बैंकले २ खर्ब रूपैयाँ, नेपाल एसबीआई बैंकले १ खर्ब ८२ अर्ब रूपैयाँ, माछापुच्छ्रे बैंकले १ खर्ब ६८ अर्ब रूपैयाँ निक्षेप संकलन गरेका छन्।
