![# Kamana Sewa Bikas Bank](https://blogger.googleusercontent.com/img/b/R29vZ2xl/AVvXsEhJI-tBWlF46gve7-15n5FRj7-rAAUWX6ek7xFEhdZk_irZHDT52vbDN-VHFa1Ws2jVoS0EJhlknY1K85eUEdZ9r-MfGqm9FMdiZj4C8H0vwsNctsuMyc2H6E6SIdeYcX82KzRdHhQzIxxN/s16000/kamana-sewa-bikas-bank-1.jpg)
- बैंकिङ संसार
काठमाडौं । कामना सेवा विकास बैंक लिमिटेडले १२५औं शाखा ललितपुरको नख्खु दोबाटोमा संचालनमा ल्याएको छ । बैंकले प्रदेश नं ३ अन्तर्गत ललितपुर जिल्लाको ललितपुर महानगरपालिका वडा नं. १३ स्थित नख्खु दोबाटोमा असार ६ गते आईतबार उक्त शाखा कार्यालय संचालनमा ल्याएको हो । हालको विषम परिस्थितिलाई मध्यनजर गरी बैंकका अध्यक्ष सुदिप आचार्यले भिडियो कन्फरेन्स (भर्चुअल) माध्यमद्वारा उक्त शाखाको उद्घाटन गरेका हुन्।
उक्त उद्घाटन कार्यक्रममा सम्पूर्ण सञ्चालकहरुको भर्चुअल उपस्थिति रहेको थियो । यसै अवसरमा बैंकका प्रमुख कार्यकारी अधिकृत प्रविण बस्नेतले बैंकको वर्तमान अवस्था र भावी कार्ययोजना तथा रणनीतिका बारेमा प्रकाश पारे । बैंकले व्यवसाय विस्तारको क्रममा समय सापेक्ष थप नवीनतम् प्रोडक्टहरु तथा वृहत शाखा सञ्जालमार्फत आफ्ना ग्राहकहरुलाई उच्च स्तरको बैंकिङ सेवा सुविधाहरु उपलब्ध गराउँदै जाने समेत जानकारी दिइएको छ ।
यससँंगै अब बैंकले १२५ शाखा, १ विस्तारीत काउन्टर तथा ६६ वटा एटिएममार्फत ग्राहकहरुलाई निरन्तर सेवा प्रदान गर्नेछ । बैंकले हालको विषम परिस्थितिमा समेतसोसल मिडिया बैंकिङ, इन्टरनेट बैंकिङ ,मोबाइल बैंकिङ एसएमएस बैंकिङ जस्ता डिजिटल माध्यमबाट ग्राहकहरुलाई सहज र उत्कृष्ट सेवा प्रदान गर्दै आइरहेको छ ।