काठमाडौँ । प्रभु बैंकले आफ्ना कर्मचारीलाई कारवाही गरेको छ। बैंकले आफ्ना कर्मचारीमाथि कडा अनुशासनात्मक कदम चाल्दै चार जनामाथि विभागीय कारवाही गरेको हो ।
कारबाहीस्वरूप दुई कर्मचारीलाई सेवाबाट बर्खास्त गरिएको छ भने अन्य दुई जनालाई बढुवा रोक्का र पद घटुवाको सजाय दिइएको पाइएको छ।
बैंकको आन्तरिक सर्कुलरअनुसार सुगेन शाक्य र रश्मि पन्तले बैंकको सेवाबाट हात धुनुपरेको छ। त्यस्तै, मधुसूदन न्यौपानेको दुई वर्षसम्म बढुवा रोक्का गरिएको छ भने सुदीप श्रेष्ठको पद एक तह घटुवा गरिएको छ।
अदातलको फैसला आउनुअघि नै बैंकले आफुहरुलाई हटाएको भन्दै सुगेन शाक्य र रश्मि पन्त अदालत जाने तयारीमा रहेको बुझिएको छ।
प्रभु बैंक ४८ करोड घोटाला प्रकरण: यस्तो छ बैंककी चिफ बिजनेश अफिसर रश्मी पन्तले प्रहरीलाई दिएको बयान



