काठमाडौँ। नबिल बैंकले दुई शाखा समायोजन गर्ने भएको छ। बैंकले काठमाडौँ उपत्यकामा सञ्चालनमा रहेका तीनमध्ये दुई शाखा समायोजन गर्ने भएको हो ।
बैंकले नयाँ बानेश्वर, बिजुलीबजार र शंखमूलमा रहेका शाखामध्ये बिजुलीबजार र शंखमूल शाखा बन्द गर्दै सेवा नयाँ बानेश्वर शाखाबाट मात्र सञ्चालन गर्ने भएको छ ।
बैंकले आइतबार सूचना जारी गर्दै वैशाख २१ गतेदेखि बिजुलीबजार र शंखमूल शाखाबाट हुने सम्पूर्ण बैंकिङ सेवा बन्द हुने र ती शाखाका सबै सेवा नयाँ बानेश्वर शाखामा सारिने जानकारी दिएको हो।
