काठमाडौँ। एनआईसी एशिया बैंकका ग्राहकहरुलाई चिरोप्राटिक एण्ड म्यानुअल थेरापी सेन्टरमा छुट हुने भएको छ। बैंकका ग्राहकहरुलाई चिरोप्राटिक एण्ड म्यानुअल थेरापी सेन्टरको सेवा लिँदा विशेष छुट उपलब्ध हुने सम्बन्धमा थेरापी सेन्टर र बैंकबीच सम्झौता सम्पन्न भएको हो ।
बैंकका ग्राहकहरुले उक्त सम्झौता पश्चात बालुवाटार तथा त्रिपुरेश्वर, काठमाडौं र बुटवलमा रहेको सो सेन्टरका शाखाहरुमा सेवा लिई डिजिटल भुक्तानी गर्दा १० प्रतिशत छुट प्राप्त गर्न सक्नेछन् ।
यस सुविधाको उपयोग गर्न ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एप मार्फत भुक्तानी गर्नुपर्नेछ ।
उक्त थेरापी सेन्टरसँगको यस सहकार्यले ग्राहकहरुलाई स्वास्थ्य उपचारमा सहयोग हुनुको साथै, मुलुकको डिजिटल भुक्तानी सेवालाई प्रबर्द्धन गरी नगदरहित कारोबारमा सहयोग पुग्ने बैंकले विश्वास लिएको छ ।
