काठमाडौँ। भदौ १८ गतेदेखि देशभरका स्कुल बन्द गर्ने स्कुलवालाहरुको घोषणापछि केटाकेटीलाई स्कुल पुर्याएर आफुहरु बैंकको जागिरमा जाने बैंकका कर्मचारीहरु मर्कामा पर्ने भएका छन् ।
घरमा केटाकेटी हेर्ने पनि कोहि नहुने, बैंकमै लैजान पनि नमिल्ने र घरमा एक्लै छोड्न पनि नमिल्ने भएपछि बैंकका कर्मचारीहरु मर्कामा पर्ने देखिएका हुन् । मर्कामा पर्ने भएपछि उनीहरुले बैंकमा केही दिन बिदाको माग गरेका छन् ।
भदौ १८ गते देखि सबै निजी स्कुलहरु बन्द गरेर स्कुलवालाहरु आन्दोलनमा उत्रिने भएपछि अभिभावकहरुले पनि सो समयको स्कुल फी नलिन आग्रह गरेका छन् ।
यद्यपी स्कुलवालाहरुले भने बैंकको किस्ता तिर्नुपर्ने भएकाले फी मिनाहा गर्न नसकिने बताउन थालेका हुन्।
