काठमाडौँ। नेपाल राष्ट्र बैंकका डेपुटी गभर्नर बमबहादुर मिश्रले मौद्रिक नीति सीमित व्यक्तिहरूको हितमा मात्र नभई समग्र अर्थतन्त्रको विकासका लागि बनाइने बताएका छन्। काठमाडौँमा आयोजित ‘प्रि-मोनिटरी पॉलिसी डिस्कसन’ कार्यक्रममा बोल्दै यस्तो बताएका हुन् ।
उनले मौद्रिक नीति निर्माणमा निजी क्षेत्रको सुझावलाई समेत समावेश गर्दै सन्तुलित दृष्टिकोण अपनाउने बताएका छन्।
मिश्रले नेपाल राष्ट्र बैंक सरकारको सल्लाहकारको भूमिकामा रहेर नियामक र मौद्रिक नीतिहरूलाई समन्वय गरेर अघि बढ्ने जनाएका छन् ।
यसअघि नेपाल राष्ट्र बैंकले कर्जा प्रवाहमा वृद्धि गर्नका लागि केही लचकता प्रदान गरेको थियो। राष्ट्र बैंकले राम्रो कर्जा प्रवाहको जोखिम भार घटाउने, घरजग्गामा कर्जा प्रवाहको सीमा बढाउने र बैंकहरूले लगानी गरेको सेयरको बिक्री सीमा १ प्रतिशतबाट २० प्रतिशत पुर्याउने जस्ता कदमहरू उठाएको थियो।
जसले बैंकहरूको लाभमा वृद्धि गर्न मद्दत पुर्याएको छ।
