काठमाडौँ। नेपाल राष्ट्र बैंकका पुर्व गभर्नर महाप्रसाद अधिकारीलाई सर्वोच्च अदालतले कारण देखाऊ आदेश जारी गरेको छ । गभर्नर सिफारिस समितिमा सदस्य नियुक्त गरिएको विषयमा सर्वोच्च अदालतले पुर्व गभर्नर अधिकारीलाई कारण देखाऊ आदेश जारी गरेको हो ।
मंगलबार भएको प्रारम्भिक सुनुवाइपछि न्यायाधीश विनोद शर्माको एकल इजलासले अधिकारीविरुद्ध दायर रिटमा कारण देखाउ आदेश जारी गर्दै आगामी जेठ ४ गते दुबै पक्षलाई बहसका लागि बाेलाएकाे छ।
अधिवक्ता नवीन धितालले अधिकारीलाई विपक्षी बनाएर सर्वोच्च अदालतमा रिट दायर गरेका हुन्। गभर्नर अधिकारीको नियुक्ति प्रक्रियामा कानूनी अनियमितता भएको भन्दै अदालतमा रिट दायर गरिएको अधिवक्ता धितालले जनाएका छन्।
यस रिटमा प्रधानमन्त्री तथा मन्त्रिपरिषदको कार्यालय, अर्थ मन्त्रालय, गभर्नर नियुक्ति सिफारिस समिति, सदस्य विश्वनाथ पौडेल, महाप्रसाद अधिकारी, समितिको सचिवालय र राष्ट्र बैंकलाई विपक्षी बनाइएको थियो।
