काठमाडौँ। नेपाल राष्ट्र बैंकका कार्यकारी निर्देशक डा. गुणाकर भट्टविरुद्ध सर्वोच्च अदालतमा दायर भएको रिट ‘हेर्न नभ्याइने’ सूचीमा परेको छ । गभर्नर बन्न अयोग्य भएको दाबी गर्दै अधिवक्ताद्वय प्रतिभा उप्रेती र विशाल थापाले सर्वोच्च अदालतमा भट्टविरुद्ध दायर गरेको रिट ‘हेर्न नभ्याइने’ सूचीमा परेको हो।
अदालतले रिट वैशाख ७ गतेको पेशीमा राखेको थियो । राष्ट्र बैंकको कार्यकारी निर्देशकबाट शुक्रबार राजीनामा दिएका भट्टविरुद्ध अधिवक्ता प्रतिभा उप्रेती र विशाल थापाले सोही दिन सर्वोच्च अदालतमा पूरक निवेदन दर्ता थिए ।
यद्यपि अदालतले उक्त निवेदन अनुमानका आधारमा भएको भन्दै हाललाई पेसीका लागि अगाडि बढाएको छैन। एक स्रोतका अनुसार उमेरबाहेक अन्य कारणले गभर्नर सिफारिस समितिको काममा कुनै पनि अवरोध आउँदैन।
