काठमाडौँ । पछिल्लो समय धेरैजसो बैंक खाता ह्याक भइरहेको पाइएको छ । मोबाइल बैंकिङ प्रयोग गर्नेहरूको बैंक खाता ह्याकरले ह्याक गरेर खाता नै रित्तिएको पाइएको हो । यस्तो घटना धेरै घटेपछि पछिल्लो समय बैंक तथा वित्तीय संस्थाहरुले सूचना नै जारी गरेर बैंक खाता ह्याक हुनबाट जोगिन आग्रह समेत गरेका छन्।
कसरी हुन्छ त बैंक खाता ह्याक ?
बैंक खाता ह्याक हुनुको प्रमुख कारण भनेकै लिंक हो। ह्याकरले ह्वाट्सएप, मेसेन्जर र इमेल लगायतका माध्यमहरू प्रयोग गर्दै लिंक पठाउने गर्छन् । ह्याकरले पठाएको लिंक हामीले ख्यालै नगरी क्लिक गर्ने गर्छौं। लिंक क्लिक गरे लगतै हाम्रो डिभाइसको डाटाको पहुँच ह्याकरसम्म पुग्छ।
हाम्रो डाटाको पहुँच ह्याकरले पाएपछि उनीहरूले त्यसको दुरुपयोग गर्छन्। अनि हाम्रो सम्पूर्ण एपको पासवोर्ड ह्याकरले थाहा पाएपछि बैंक खाता ह्याक गर्छ। यसैगरी ह्याकरले हाम्रो बैंक खाता रित्याइदिन्छ।
बैंक खाता ह्याक हुनबाट जोगिन के गर्ने ?
वाट्सएप, मेसेन्जर र इमेल लगायतका माध्यमहरूमा आएको लिंक क्लिक गर्नु हुँदैन। सामाजिक सञ्जालमा लोब देखाएर उपहार तथा चिट्ठा पर्यो भनेर म्यासेज गर्ने गर्छन्। र यो लिंकमा गएर क्लिक गर्नुहोस् तपाईंले प्राप्त गर्नु भएको उपहार हेर्नुहोस् भन्ने जस्ता भ्रम छर्ने गर्छन्। यस्तो भ्रममा परेर लिंक क्लिक गर्नुहुँदैन। जस्तोसुकै परिस्थितिमा पनि आफ्नो बैंक खाता अपरिचित व्यक्तिको मोबाइल फोनमा खोल्नु हुँदैन ।
दुःख गरेर कमाएको पैसाको बचत गर्न बैंक खातामा राखेको पैसा हाम्रो सानो गल्तीका कारण पैसा हराउन सक्छ। त्यसैले समयमै विचार पुराएर आफ्नो बैंक खाता तथा अन्य विवरणहरू सुरक्षित राख्न जरुरी छ।
