काठमाडौँ। बैंक तथा वित्तीय संस्थाहरुले आफ्नो संस्थागत सामाजिक उत्तरदायित्व (सिएसआर)को रकम सबै प्रदेशमा खर्च गर्नुपर्ने भएको छ । नेपाल राष्ट्र बैंकले मंगलबार ‘बैंक तथा वित्तीय संस्थाको संस्थागत सामाजिक उत्तरदायित्वसम्बन्धी मार्गदर्शन, २०८१’ जारी गर्दै यस्तो व्यवस्था ल्याएको हो ।
राष्ट्र बैंकले सिएसआरको रकम प्रत्येक प्रदेशमा कम्तिमा १० प्रतिशत अनिवार्य खर्च गर्नुपर्ने व्यवस्था ल्याएको छ । एक वर्षमा बैंकहरूले सिएसआर अन्तर्गत छुट्याइएको रकममध्ये ६० प्रतिशत रकम खर्च गर्नुपर्नेछ ।
यता, राष्ट्र बैंकले एक आर्थिक वर्षमा सिएसआरको कुनै एक कार्यक्रममा ५ प्रतिशतभन्दा धेरै खर्च गर्न नपाउने जनाएको छ। यस्तो छ सूचना:
