काठमाडौँ । बैंक तथा वित्तिय संस्थाको निक्षेप सङ्कलन बढेको छ । नेपाल राष्ट्र बैंकको पछिल्लो तथ्याङ्कअनुसार बैंक तथा वित्तिय संस्थाको निक्षेप सङ्कलन एकैदिन २ अर्ब रुपैयाँले बढेको हो ।
साउन २८ गते बैंकिङ प्रणालीमा ६४ खर्ब १७ अर्ब निक्षेप सङ्कलन भएकोमा एकैदिन २ अर्ब रुपैयाँले निक्षेप बढेर साउन २९ गते ६४ खर्ब १९ अर्ब कायम भएको छ ।
उक्त अवधिमा वाणिज्य बैंकहरुको पनि निक्षेप सङ्कलन ४ अर्ब रुपैयाँले बढेको छ । साउन २८ गते ५६ खर्ब ८९ अर्ब निक्षेप सङ्कलन भएकोमा २९ गते ५६ खर्ब ९३ अर्ब निक्षेप सङ्कलन भएको छ ।
यता औसत सीडी रेसियो ७९.९८ प्रतिशतमा कायम भएको छ भने अन्तर बैंक ब्याजदर घटेर ३ प्रतिशत कायम भएको छ ।
