काठमाडौँ । सांग्रिला डेभलपमेन्ट बैंकले विश्व वातावरण दिवसको अवसरमा साइकल र्याली गर्ने भएको छ । बैंकले वातावरण स्वच्छ सफा राख्ने उद्देश्यले साइकल र्यालीको कार्यक्रम आयोजना गरेको हो ।
साइकल र्यालीमा सहभागी हुन इच्छुक व्यक्तिहरुले जेठ १९ गते भित्र नि:शुल्क दर्ता गरी आफ्नो सहभागिताको सुनिश्चितता गर्न सक्नेछन् ।
सो र्यालीमा सहभागी भएका सम्पूर्ण सहभागीहरुलाई टिसर्ट र भाग्यमानी एक जना सहभागीहरुलाई साइकल तथा अन्य बम्पर पुरस्कार प्रदान गरिने बैंकले जनाएको छ ।
बैंकले जेठ १९ गते शनिबार ‘इन्धन बचाऔं, वातावरण जोगाऔं,’ भन्ने नाराका साथ डेभलपमेन्ट बैंकर्स एशोसिएसन नेपाल, बिवाइडी तथा अन्य संध संस्थाहरुसँगको सहकार्यमा साइकल र्याली आयोजना गर्न लागेको हो।
